每年都要接種新嘅流感疫苗？

每年流感病毒都變變變！

世衛每年都會根據趨勢推薦唔同嘅流感疫苗組合。接種疫苗後的保護力亦會隨著時間慢慢減弱，所以每年都一定要接種疫苗先可以保持免疫力！接種流感疫苗後，身體大概需要兩個禮拜時間去建立免疫反應。所以喺流感季節開始之前就要打好疫苗，喺流感高峰期得到最佳防護效果！

就算身體健康，都有可能患上嚴重流感。因此，大部份年滿 6 個月或以上人士都應每年接種流感疫苗，減低入院同死亡嘅機會，全面保障個人健康。而今年嘅流感疫苗再擴大資助範圍，所有18至49歲嘅長期病患者都可以免費或者獲得資助接種流感疫苗！想知邊啲人符合資格，同埋邊度免費接種？詳情請睇以下「2025/26 季節性流感疫苗接種計劃合資格群組和疫苗接種地點」嘅網站！

咁幾時係接種流感疫苗嘅最佳時機？

接種時期：理想嘅接種時間係每年秋季，即係9月至11月之間，咁樣可以畀身體有足夠時間建立免疫力，喺冬季流感高峰前做好準備。

早期接種：如果你錯過咗秋季接種嘅時間，都唔使擔心！喺流感季節中期接種，依然可以提供好嘅保護。

特定人群：對於高風險人群（例如老年人、孕婦和慢性病患者），更加要及早接種，以減低感染風險。

持續接種：記住，每年都要接種流感疫苗，因為流感病毒會不斷變化，疫苗都會隨之調整

唔好等啦，接種流感疫苗，保護自己，保護家人！

資料來源：

衞生防護中心 2025-26 季度本港季節性流感疫苗接種常見問題

https://www.chp.gov.hk/tc/features/100764.html

香港特別行政區 新聞稿

https://www.info.gov.hk/....../08/P2025090800485.htm......

2025/26 季節性流感疫苗接種計劃合資格群組和疫苗接種地點

https://gia.info.gov.hk/....../P2025090800485_509697_1......

【#健康貼士 點先可以預防流行性感冒～】#流感

究竟點樣可以預防流感，唔好畀流感殺我地一個措手不及？除咗保持良好嘅個人同環境衛生，其實打流感針可以安全同有效咁預防流感同佢嘅併發症！

坊間成日都有人問：「打流感針係咪真係有用？」 根據美國疾病管制與預防中心嘅評估，如果疫苗嘅抗原同當季流行嘅病毒類型吻合，打流感針可以幫你減低40%至60%患流感嘅風險！大大減低你中招嘅機會！ 就算真係中咗，都冇咁易變重症，大大減低感染流感而導致嘅入院同死亡風險！

咁幾時打流感針係最好？一般都建議大家喺流感來襲前嘅秋季去打流感針，咁樣身體先有足夠嘅時間（大概接種後嘅兩星期），產生足夠嘅免疫力嚟保護你！除左已經知道有禁忌症嘅人之外，所有6個月大或以上嘅人士都應該打流感針！咁樣唔單止可以保護自己，仲可以保護屋企人同身邊嘅朋友！

唔好等啦，快啲去打針，保護自己同屋企人！咁就Win Win啦！

資料來源：

衞生防護中心 2025-26 季度本港季節性流感疫苗接種常見問題

https://www.chp.gov.hk/tc/features/100764.html

。